Засаглал, менежментийн нэгдсэн бүтэц
Мэргэжлийн их сургууль болсонтой холбогдуулан удирдлага, зохион байгуулалтын шинэ бүтцийг Удирдах зөвлөлөөр батлуулж, 2026 оны 2 дугаар сараас эхлэн хэрэгжүүлж байна. Удирдах зөвлөл → Ректор → орон тооны бус зөвлөл, хороод → 5 алба, 3 тэнхим, номын сан, төвүүд гэсэн бүтэцтэйгээр сургалт, судалгаа, үйлчилгээний үйл ажиллагааг явуулна.
ТҮВШИН 03 · ОРОН ТООНЫ БУС ЗӨВЛӨЛ, ХОРООД
ТҮВШИН 04 · АЛБА
Байгууллагын хөгжил, захиргааны алба
Сургалтын бодлого, зохицуулалтын алба
Эрдэм шинжилгээ, инновацын алба
Чанарын баталгаажуулалтын алба
Санхүү, нийтлэг үйлчилгээний алба
ТҮВШИН 05 · ТЭНХИМ, НЭГЖ
Эдийн засаг, менежментийн тэнхим
Хөдөлмөрийн аюулгүй байдал, эрүүл ахуйн тэнхим
Үйлдвэрчний эвлэл, хүний эрхийн тэнхим
Номын сан
Сургалт, судалгааны төв
Спорт заал
УДИРДАХ БҮТЭЦ
Засаглалын байгууллагууд
Сургуулийн удирдах зөвлөл
Үүсгэн байгуулагч МҮЭ-ийн Холбоо (53%), багш (20%), суралцагч (7%), төгсөгч (7%), ажил олгогчийн (13%) төлөөлөл бүхий 15 хүний бүрэлдэхүүнтэй. Стратеги, бодлого, төсөв, томоохон шийдвэрийг батална.
Сургуулийн ректор
Сургуулийг төлөөлж, өдөр тутмын удирдлага, гүйцэтгэлийг хариуцан удирдана.
Захиргааны зөвлөл
Ректорын дэргэд шуурхай удирдлагыг хангах, хүний нөөцийн бодлого боловсруулж хэрэгжүүлэх, дүрэм журам боловсруулж хянах, архив, албан хэрэг хөтлөлтийг журам, стандартын дагуу зохион байгуулна.
Эрдмийн зөвлөл
Профессор, дэд профессор, ахлах багшийн төлөөлөл бүхий 7 гишүүнтэй. Хичээлийн жилд хоёр удаа хуралдаж, сургалт, эрдэм шинжилгээний бодлогыг тодорхойлохын зэрэгцээ хүндэт доктор, профессорын цол олгох асуудлыг хэлэлцэнэ.
Хөтөлбөрийн хороо
Ерөнхий хороо болон 5–9 гишүүний бүрэлдэхүүнтэй дэд хороо хэлбэрээр ажиллана. Хөтөлбөр боловсруулах, сургалтын төлөвлөгөө батлуулах, хичээлийн чанарын үнэлгээ хийх, хөтөлбөрийг 2–3 жил тутам шинэчлэх үүрэгтэй.
Оюутны зөвлөл
Оюутны нийтлэг суралцах эрх ашгийг хамгаалж, сургалтын орчныг сайжруулах санал гаргаж, олон нийтийн ажлыг зохион байгуулна. Зөвлөлийн дарга нь Удирдах зөвлөлд суралцагчийн төлөөлөл болж оролцоно.
ҮЭ-ийн хороо
Гишүүдийн хөдөлмөрлөх эрх, түүнтэй холбогдсон хууль ёсны ашиг сонирхлыг хамгаалж, амьдралын түвшинг дээшлүүлэх нөхцөлийг бүрдүүлнэ. Хорооны дарга нь Удирдах зөвлөлийн гишүүн байна.
Багшийн хөгжлийн төв
Багшийн албан тушаалын зэрэглэлд ажиллаж буй багш нарыг мэргэжлийн хувьд тасралтгүй хөгжүүлэх, арга зүй, ур чадварыг сайжруулахад чиглэсэн дэмжлэг үзүүлнэ.
Судалгааны ёс зүйн хороо
Судалгааны ёс зүйн зөвшөөрөл олгож, оюуны өмчийн эрхийг хамгаалж, бүтээлийн хуулбарлалтын шалгалтыг зохион байгуулна. Журам, бүрэлдэхүүнийг 2026 оны 3 дугаар сард баталсан.
НЭГДСЭН ЗАСАГЛАЛ
«Удирдах зөвлөлөөс гүйцэтгэх нэгж хүртэл нэгдсэн засаглалын бүтэц нь МХИС-ийн ил тод, хариуцлагатай, чанартай шийдвэр гаргалтыг баталгаажуулна.»