Хувийн мэдээлэл хамгаалах бодлого
Энэ цахим хуудсаар ямар мэдээлэл цуглуулж, юунд ашиглаж, хэр удаан хадгалж, хэнд дамжуулдгийг нуухгүй бичив. Танд ямар эрх байгааг мөн доор жагсаав.
Мэдээллийг хэн хариуцдаг вэ
Монголын Хөдөлмөрийн Их Сургууль (МХИС) энэ цахим хуудсыг эзэмшиж, түүгээр цуглуулсан хувийн мэдээллийг хариуцна. Мэдээлэлтэй холбоотой аливаа асуулт, хүсэлтийг доорх хаягаар хүлээн авна.
МОНГОЛЫН ХӨДӨЛМӨРИЙН ИХ СУРГУУЛЬ
Улаанбаатар, Чингэлтэй дүүрэг
info@mul.edu.mn · 1131-2629
Ямар мэдээлэл цуглуулдаг вэ
Зөвхөн доорх дөрвөн тохиолдолд цуглуулна. Өөр ямар ч далд цуглуулалт байхгүй — сайтын бусад хуудсыг үзэхэд бүртгэл үүсэхгүй.
Элсэлтийн онлайн бүртгэл
Та маягтад бөглөсөн зүйл: овог нэр, утасны дугаар, и-мэйл, төрсөн он, хүйс, сонирхсон хөтөлбөр, түүнчлэн ажилтны нэмж тохируулсан асуултын хариулт. Зөвхөн та өөрөө бөглөж илгээсэн тохиолдолд хадгалагдана.
Туслах цонх (чатбот)
Таны бичсэн асуулт, ботын хариулт, сонгосон хэл, аль хуудаснаас бичсэн нь. «Ажилтантай холбогдох» сонговол нэмж нэр, утасны дугаараа өгнө. Бот нь урьдчилан бэлдсэн хариултаас сонгодог — таны бичсэн зүйл гадны ямар ч хиймэл оюун ухааны үйлчилгээ рүү явдаггүй.
Техникийн хамгаалалт
Нэг компьютераас автоматаар олон хүсэлт илгээхээс сэргийлэхийн тулд IP хаягийг түр хугацаанд бүртгэнэ. Энэ бүртгэл таны илгээсэн маягттай холбогддоггүй бөгөөд 24 цагийн дараа автоматаар устана.
Хандалтын хэмжилт
Google Analytics (GA4) нь аль хуудас хэр их үзэгдсэн, ямар төхөөрөмжөөс орсон, ойролцоогоор ямар байршлаас орсныг хэмжинэ. Хэмжилт нь таны нэр, утас, и-мэйлтэй огт холбогддоггүй.
Юунд ашигладаг вэ
Цуглуулсан мэдээллийг зар сурталчилгаа явуулах, зарах, солилцоход ХЭЗЭЭ Ч ашиглахгүй.
Ямар үндэслэлээр цуглуулдаг вэ
Монгол Улсын «Хүний хувийн мэдээлэл хамгаалах тухай» хуулийн дагуу таны өөрийн зөвшөөрөл дээр үндэслэнэ. Маягт илгээх, чатад утсаа үлдээх нь таны зөвшөөрөл юм — заавал өгөх шаардлагагүй, өгөхгүй бол сайтын бусад бүх хэсэг хэвийн ажиллана. Зөвшөөрлөө хэдийд ч буцаан татах эрхтэй.
Хэр удаан хадгалдаг вэ
Хугацаа нь мэдээллийн санд өөрт нь суулгагдсан — ажилтан мартсан ч автоматаар устана.
Хугацаанаас өмнө устгуулах хүсэлт гаргах эрхтэй — доорх хаягаар хандана уу.
Таны эрх
Хуулийн дагуу танд дараах эрх байна:
Эрхээ эдлэхийн тулд доорх и-мэйл эсвэл утсаар хандана уу. Таныг мэдээллийн эзэн мөн эсэхийг баталгаажуулсны дараа 10 хоногийн дотор хариу өгнө.
Хамгаалалт
Насанд хүрээгүй хүн
Элсэлтийн маягт нь ерөнхий боловсролын сургууль төгсөж буй хүнд зориулагдсан. 16 нас хүрээгүй бол эцэг эх, асран хамгаалагчийнхаа зөвшөөрөлтэй бөглөнө үү. Зөвшөөрөлгүй бөглөсөн болох нь тогтоогдвол хүсэлтийг устгана.
Энэ бодлого өөрчлөгдвөл
Шинэчилсэн хувилбарыг энэ хуудсанд нийтэлж, доорх огноог өөрчилнө. Мэдээлэл цуглуулах хүрээ томроход шинээр зөвшөөрөл авна.
Холбоо барих
Хувийн мэдээлэлтэй холбоотой аливаа асуулт, хүсэлт, гомдлыг дараах хаягаар хүлээн авна:
Сүүлд шинэчилсэн: 2026 оны 8 дугаар сар